Marcos Dono recibe un proxecto colaborativo do IPsiUS xunto con Laura López Romero

O Instituto de Psicoloxía da USC (IPsiUS) resolveu conceder un dos proxectos da súa primeira Convocatoria de Proxectos Colaborativos ao investigador de COSOYPA Marcos Dono, xunto con Laura López Romero, investigadora do grupo UNDERISK. Esta resolución permitirá financiar o estudo «Fachipobres, trads ou wokes? Un estudo comparativo entre adolescentes e poboación adulta sobre a ideoloxía relativa á igualdade e os seus determinantes psicosociais e de personalidade». Os proxectos colaborativos xurdiron para promover a colaboración entre os grupos do IPsiUS, buscando compartir coñecementos e técnicas de estudo, así como tender pontes entre as distintas disciplinas que se poden atopar no Instituto. O proxecto levarase a cabo durante o próximo ano.

Pódese consultar a relación de proxectos colaborativos outorgados no boletín de xuño do IPsiUS.