Laura Docampo participa nas Xornadas de Ciencia Mensual do IPsiUS

Laura Docampo participou o pasado 7 de maio nas Xornadas de Ciencia Mensual do IPsiUS, coa presentación «O valor do extremismo: ameazas económicas vs. ameazas morais na promoción de actitudes políticas extremas». Na súa intervención, compartiu parte dos resultados dos estudos da súa tese, realizados dentro do marco do proxecto EXPREDES. Neles compáranse os efectos das ameazas económicas cos das ameazas morais á hora de elicitar actitudes extremistas, e póñense a proba diversos mecanismos que poderían explicar as diferenzas entre ambas.