Cristina Gómez Román participa no coloquio “As mulleres na ciencia: existir, resistir e transformar"

O Mércores 11 de febreiro, con motivo do día Internacional da Muller e da Nena na Ciencia,  realizouse na Facultade de Psicoloxía o coloquio “As mulleres na ciencia: existir, resistir e transformar», organizado pola Comisión de Igualdade da Facultade e polo IPsiUS.  Este coloquio foi moderado por Andrea Correa-Chica, investigadora postdoutoral do grupo COSOYPA, e nel participaron cinco científicas que se adican á investigación en diversas áreas da psicoloxía dentro da nosa facultade, entre as que se atopan Cristina Gómez-Román, profesora do noso grupo. As invitadas compartieon as súas experiencias e coñecementos sobre as barreiras que experimentan as mulleres ó adicarse á carreira científica, así como as diversas transformacións que se van dando ó longo do tempo para tentar de erradicarlas.