Esta semana, o grupo de investigación COSOYPA recibiu a visita do Prof. Marco Brambilla, da Universidade Milano-Bicocca. O Prof. Brambilla acudiu para fortalecer liñas de colaboración activas en investigación co grupo e, ademais, impartiu un seminario sobre a súa actividade investigadora. A este seminario, titulado «Fundamental Dimensions of Social Cognition: The Primary Role of Morality in the Impression-Formation Process», foron invitados tanto o alumnado do programa de doutoramento en Procesos Psicolóxicos e Comportamento Social coma os membros do recentemente establecido Instituto de Investigación en Psicoloxía da USC (IPsiUS).
Foron unhas xornadas intensas de traballo e queremos agradecer no nome de todas os integrantes de COSOYPA a visita por parte do Prof. Brambilla.
